O mes de maio empezou con forza no Ateneo Casino de Monforte. Unha variada axenda de eventos encheron de dinamismo este espazo asociativo, que está a renovar o ámbito sociocultural da cidade do Cabe.
O sábado 8 de maio, tivo lugar o concerto de Alfonso Medela Trío, dentro das propostas de música en directo que o Ateneo Casino propón cada mes. A literatura tivo tamén o seu espazo na primeira quincena de maio, coa presentación, prevista para o sábado 16, do novo libro do escritor coruñés Xurxo Souto, titulado «Pangalaica».
As posibilidades que ofrecen as novas tecnoloxías na empresa foi o tema da actividade celebrada o martes 11 de maio. A Asociación de Jóvenes Empresarios (AJE) organizou no Ateneo Casino un obradoiro de dixitalización, orientado a empresarios e emprendedores, no que tamén participaron persoas interesadas en coñecer aspectos como o marketing dixital, o manexo de datos ou as ferramentas para xestionar unha empresa. A sesión estivo a cargo de Leticia Prada, da Escuela de Emprendedores, coa participación da empresa Computer 3, especializada en transformación dixital.•
Cargando ...
