O Festival de Cine Fantástico de Monforte está a recuperar a súa andaina logo do parón pola crise sanitaria. O conxunto de eventos culturais que se presentan baixo a denominación FanCine de Lemos retornará ás rúas monfortinas do 21 ao 25 de xullo. A sétima edición, que tivera que suspenderse o pasado verán polas restricións sanitarias, retoma o seu tradicional concurso de curtametraxes, para o que xa está aberto o prazo. As novas pezas poden enviarse ata o 31 de maio a través do enlace https://festhome.com/f/679. Ademais, o cartel deste ano sairá dun concurso convocado pola organización. O gañador percibirá ademais un premio de 300 euros. •
