O Alcalde de Monforte anunciou, a comezos deste mes, a apertura do novo posto de peixería da Praza de Abastos, a cargo da firma Da Lonxa ao Prato S.L., con sede en Santa Uxía de Ribeira. Esta empresa familiar, pertencente ao grupo Pescados Paco S.L., é a peixería oficial da Cofradía de Pescadores da Pobra do Caramiñal, coa que teñen un convenio de colaboración para a explotación directa dos seus produtos. Para desenvolver esta función, a empresa conta con varias instalacións entre as que se atopan peixerías, unha depuradora e cetárea propias.
Segundo trasladaron fontes municipais, a empresa instálase en Monforte coa idea de colaborar na dinamización da Praza de Abastos cun novo concepto moderno de peixería, no que se artellarán talleres de cociña para nenos e adultos, xornadas gastronómicas, reparto a domicilio, e propostas de visitas as lonxas ou turismo mariñeiro.•
Últimas noticias sobre EMPRENDEMENTO
Este luns, 1 de abril, abre o prazo para presentar solicitudes ao programa ReAcciona da Xunta
O alcalde de Chantada, Manuel Lorenzo Varela, acompañado por Iñaki Castiñeira, presidente da Asociación de Empresarios
O Concurso de Proxectos Empresariais Semente Ribeira Sacra celebra a súa décima edición, promovendo iniciativas innovadoras
A AIE Ribeira Sacra Next, fundada hai un ano, está a expandir a súa rede de
A Confederación de Empresarios de Lugo (CEL) congregou en Monforte de Lemos a preto de medio