No Campionato de España Masculino de Pitch & Putt 2021, disputado no campo de Paderne Golf de Betanzos, a pesar das dificultades climatolóxicas creadas pola choiva persistente, venceu o monfortino e alma mater do golf local, José Ángel Pérez Reñones, gañador da edición de 2008 e un dos grandes nomes do Pitch & Putt español. O do Club de Golf Río Cabe, con 53 e 49 golpes na xornada inicial, asinou o domingo a mellor volta do torneo, un 47 que o levou ao máis alto da clasificación, dando toda unha lección de golf. Así, con 149 golpes ao total, -13, avantaxou en oito a outro galego, Antonio Outeiriño, e ao vallisoletano José María Ortiz de Pinedo, terceiro clasificado con -4 ao total.•
