•Contou, entre outros, coa participación do presidente da Xunta Alberto Núñez Feijoo
Como nas anteriores convocatorias, o encontro reuniu a voces autorizadas dos sectores turístico e empresarial para debater e analizar os retos de futuro aos que se enfronta o turismo. Ademais do presidente da Xunta de Galicia, Alberto Núñez Feijóo, o foro do empresariado turísticos contou con destacados participantes, como Maurici Lucena Betriu, CEO de AENA; Carlos Muñoz, CEO de Volotea; Simón Pedro Barceló, copresidente do Grupo Barceló; Carmen Riu, conselleira delegada de RIU Hotels & Resorts; e Juan Pedro Moreno, expresidente de Accenture España.
Núñez Feijóo sinalou a necesidade de contar a nivel nacional cun Plan director para a recuperación do turismo. O mandatario galego citou as iniciativas que se están a levar a cabo na Comunidade, entre as que destacou os test que se realizan aos visitantes que chegan aos aeroportos galegos, o rexistro de viaxeiros e a activación dun bono turístico dirixido á poboación galega co fin de impulsar a reactivación do sector.
Nada en 1977, a empresa do chantadino Amancio López Seijas é unha dinámica organización con máis de 5.500 empregados e unha facturación que supera os 1.200 millóns de Euros. A organización Eurostars Hotel Company, o primeiro consorcio hostaleiro do mundo, está integrado porHotusa Hotels, con 2.700 hoteis asociados, o representante hostaleiro Keytel, con máis de 1.300 establecementos adheridos, e a central de reservas Restel. •
