O Ateneo Casino de Monforte acolleu este mes a presentación do libro «Ribeira Sacra. Origen y evolución de la Denominación de Calidad», escrito por José Mouriño Cuba e editado por Belagua Ediciones, coa colaboración de Caixa Rural Galega e os GDR Ribeira Sacra- Courel, Miño-Ulla, Comarca de Ourense e Sil-Bibei-Navea.
RELATO EN PRIMEIRA PERSOA DA XÉNESE DA D.O. RIBEIRA SACRA
No seu libro, Mouriño Cuba ofrece un relato en primeira persoa sobre a historia da recuperación do viñedo na Ribeira Sacra. O autor, xubilado do seu posto como xefe do Servizo de Control de Calidade e Industrias de Lugo, foi o responsable do equipo técnico que liderou o proceso que deu lugar á creación, nos anos 90, da Denominación de Orixe Ribeira Sacra.
José Mouriño Cuba estivo acompañado no Ateneo Casino pola concelleira de Cultura de Monforte, Marina Doutón; o presidente de Caixa Rural Galega, Manuel Varela; e a directora de Belagua Ediciones, Edurne Baines.•
Cargando ...
