Segue en pleno apoxeo o conflito laboral desencadeado no Conservatorio monfortino, coa súa correspondente repercusión na política local. Agora é o BNG o que, logo dunha xuntanza mantida polo seu voceiro, Emilio Sánchez, cos profesores expedientados polo Goberno municipal, avoga pola retirada dos expedientes sancionadores impulsados dende o Consistorio. Sánchez entende que o Goberno socialista está “completamente equivocado, tanto nas formas como no fondo”, no seu proceder ante este problema, “xa que estes profesionais non actuaron neglixentemente no tocante ao seu horario laboral”. O voceiro nacionalista afirmou que “os días libres orixe do conflito eran un acordo ao que chegaron no seu día os profesores e o Concello e que, até agora, non fora revocado”. Emilio Sánchez lembrou que “o Concello de Monforte carece de regulamento orgánico respecto do Conservatorio”.
“ALGO PROPIO DOUTROS TEMPOS”
Dende o BNG non se entende “a razón pola que un dos profesores do Conservatorio ten que declarar ante o secretario municipal, algo inaudito e propio doutros tempos”. Os nacionalistas monfortinos lembraron que o mestre “viuse na obriga de utilizar medios propios nas súas clases telemáticas, ao carecer as instalacións municipais de medios propios de calidade para atender ao servizo”. •
O BNG de Monforte apoia ao profesorado do Conservatorio Mestre Ibáñez
Últimas noticias sobre POLÍTICA LOCAL
Unha vez que a polémica xurdiu entre o equipo de goberno monfortino, co seu alcalde ao
Aínda non levamos dous meses dende a constitución da nova corporación municipal monfortina, e a tensión
O cabeza de lista do PSdeG-PSOE ao Congreso por Lugo, José Ramón Gómez Besteiro, mantivo xunto
Socialistas e nacionalistas, acordaron asinar un pacto de goberno para o mandato 2023-2027 na Deputación de
Destacou que até o CIS avanza que Lugo contará cun deputado do Bloque Nacionalista Galego Aínda
