O polígono do Reboredo conta cun novo vídeo elaborado por Suelo Empresarial del Atlántico

O Alcalde de Monforte, José Tomé Roca, recibiu de mans da Xerente de Suelo Empresarial del Atlántico (SEA), Beatriz Sestayo Doce, o vídeo promocional que esta entidade elaborou, en colaboración co Concello monfortino, para promocionar o polígono industrial de O Reboredo.
O vídeo será difundido nas webs e nas redes sociais de ambas entidades, nos distintos foros económicos nos que estea presente tanto o SEA como o propio Concello, e tamén entre o ámbito empresarial, galego e estatal.
“O obxectivo desta acción promocional”, destacou o Alcalde, “é dar a coñecer o enorme potencial do noso polígono empresarial e da área de Monforte, pola súa boa ubicación estratéxica”.
O VIDEO ESTARÁ DISPONIBLE NA CANLE DE YOUTUBE DO CONCELLO
O vídeo describe as posibilidades en canto a infraestruturas e servizos cos que conta o polígono monfortino, e a sua situación estratéxica, por atoparse a 1,5 quilómetros da N-120 e tamén da futura autovía A-76. Ademais, a peza audiovisual tamén recolle imaxes da Ribeira Sacra e da cidade de Monforte. O audiovisual xa se pode consultar na canle de Youtube do Concello a través do seguinte enlace: https://www.youtube.com/atch?v=rwCR4oSYcbs&t=15s.

O POLÍGONO, MÁIS ATRACTIVO NOS ÚLTIMOS ANOS
O polígono industrial do Reboredo naceu no ano 1984 promovido e xestionado por SIGALSA (Suelo Empresarial de Galicia), hoxe Suelo Empresarial do Atlántico (SEA). O espazo conta cunha superficie total de 365.000 metros cadrados, sendo aproveitables directamente para parcelas como superficie útil un total de 275.235. Actualmente, está distribuído en 61 parcelas de 1.000 a 15.000 metros cadrados de superficie.
En canto ás condicións de edificabilidade, o polígono ten unha ocupación máxima do 75%, con retranqueos de 3 metros ao fondo e aos laterais, e 7 á fronte. Ademais, permítese como máximo unha altura de 12 metros.
A dinámica de venda de parcelas neste polígono nos últimos tres anos foi moi destacada, o que permitiu que só queden oito parcelas dispoñibles. •

Deixa unha resposta

Your email address will not be published.

Nova Anterior

O Programa de Verán de Monforte oferta o maior número de días de actividade e de prazas dos últimos anos

Seguinte Nova

A Deputación presentou en Fitur a campaña «Lugo, la provincia es tu Camino», que aposta polo turismo experiencial e non masificado

Últimas noticias sobre ECONOMÍA

O prezo do leite

• Agromuralla e UCGAL monitorizarán os prezos do leite desde as granxas ate os puntos de

A %d blogueros les gusta esto: