O xeodestino Ribeira Sacra, recoñecido co distintivo SICTED polo seu compromiso coa calidade turística a nivel nacional

A recente edición de Fitur supuxo un novo recoñecemento para o traballo que está a desenvolver o Consorcio de Turismo Ribeira Sacra. Este xeodestino recibiu o distintivo SICTED como novo destino destacado comprometido coa calidade turística no ámbito nacional. Na entrega, o secretario de Estado de Turismo, Fernando Valdés, amosou o seu interese en coñecer a Ribeira Sacra, sendo consciente do traballo que se está a realizar neste xeodestino no eido da calidade. Valdés tamén destacou o recentemente iniciado Plan de Sustentabilidade Turística, como reforzo deste territorio. •