A DEPUTACIÓN APROBA 100.000 EUROS PARA APOIAR A PROMOCIÓN DO TERRITORIO NA PELÍCULA «LIFE IS LIVE», DO MONFORTINO DANI DE LA TORRE

O presidente da Deputación conversou co director de cine Dani de la Torre e outros membros do equipo de rodaxe do filme «Live is Life». GPDL

• Redacción – MONFORTE. A Deputación de Lugo vén de dar luz verde a unha axuda de 100.000 euros para a película «Live is Life», do director monfortino Dani de la Torre. Segundo explicou a voceira socialista do Goberno provincial, Pilar García Porto, a comezos de xuño, a aportación farase baixo a fórmula de contrato de patrocinio, para contribuír á promoción dos recursos do territorio. O cineasta monfortino elixiu a Ribeira Sacra como escenario para a rodaxe da súa última película, na que se recollen paisaxes e localizacións situadas nos municipios de Pantón, Sober, Quiroga, O Saviñao e Monforte de Lemos.
García Porto precisou o «dobre obxectivo» deste contrato de patrocinio. Por unha banda, a achega permitirá “seguir colaborando cun sector que crea industria, emprego, e fomenta a nosa cultura e a nosa lingua», ao tempo que «favorecemos a proxección nacional e internacional da Ribeira Sacra e do conxunto da provincia e, tamén, a actividade turística”.•

Deixa unha resposta

Your email address will not be published.

Nova Anterior

A Deputación arranxa a estrada desde Fontela ata o desvío de Mourelos no Saviñao

Seguinte Nova

O Concello anunciou un novo paquete de dez proxectos de mellora en vías urbanas e rurais de Monforte

Últimas noticias sobre CULTURA

     
A %d blogueros les gusta esto: