ADIF licita melloras no tramo Lugo-Monforte-Ourense por máis de 3 millóns de euros

Imaxe dun tramo da liña ferroviaria Monforte-Ourense. GPSGL.

• Redacción- MONFORTE. ADIF vén de sacar a licitación algunhas das obras iniciadas no principio do ano para o tramo Lugo-Monforte-Ourense. Dous serán os proxectos iniciais a levar cabo neste traxecto. Por unha banda, levará a cabo a instalación do telemando de enerxía da liña Ourense-Monforte-Lugo, e por outro, realizará obras de adecuación de pontes e explanacións no tramo Ourense-Monforte.

NOVO SISTEMA DE TELEMANDO
O sistema de telemando ten como finalidade o telecontrol e supervisión do sistema de catenaria e do sistema de distribución de enerxía en media e baixa tensión, así como a supervisión e xestión de eventuais incidencias de todos os sistemas baixo o seu control. Nunha primeira fase, este telemando de enerxía controlará e xestionará, en tempo real e desde un centro de control, distintos sistemas do tramo Monforte-Lugo, como son un centro de autotransformación final e un centro de autotransformación intermedio, unha subestación de tracción (Oural), seccionadores da liña aérea de contacto (catenaria), e a subministración de enerxía a edificios técnicos, a calefactores de agullas e a outros sistemas.
Nunha segunda fase, controlará os distintos sistemas do tramo Ourense-Monforte, como son un centro de autotransformación final e un intermedio, e os centros de transformación-centro elevador de Canabal e de Os Peares. Este contrato sae a concurso por 2.010.928,35 euros.
ADECUACIÓN DE
PONTES
Adif licitou un contrato para o tratamento de elementos da infraestrutura (pontes e explanacionós), situados en aproximadamente 9 quilómetros do tramo Ourense-Monforte, por importe de 990.562,65 euros.
Os elementos para tratar, incluíndo oito pontes, están situados entre os puntos quilométricos 000/000 e 009/059 da liña Monforte-Vigo. O obxectivo é adaptar os elementos da infraestrutura ás novas condicións de explotación.

MELLORAS NO TRAXECTO OURENSE-MONFORTE-LUGO
As actuacións teñen como obxectivo cumprir os compromisos de Adif coa optimización das condicións de explotación comercial do traxecto. •

Deixa unha resposta

Your email address will not be published.

Nova Anterior

O Concello anunciou un novo paquete de dez proxectos de mellora en vías urbanas e rurais de Monforte

Seguinte Nova

O 30 de xuño remata o prazo do VII Concurso de Proxectos Empresariais Semente Ribeira Sacra

Últimas noticias sobre INFRAESTRUCTURAS

     
A %d blogueros les gusta esto: