• Redacción- MONFORTE.
A Asociación Semente Ribeira Sacra ten aberto ata 30 de xuño o prazo de presentación de ideas para o VII Concurso de Proxectos Empresariais. A inscrición é de balde e poderá formalizarse a través da web sementeribeirasacra.org.
Segundo informaron dende este colectivo, a mediados de xuño estaban rexistradas unha quincena de ideas, procedentes sobre todo de Galicia, aínda que tamén hai presenza de proxectos doutros puntos da Península, como Granada.
Nesta edición, a organización decidiu ampliar a contía dos premios: o primeiro será de 12.000 euros, o segundo de 8.000 euros, e o terceiro de 5.000. Búscanse proxectos innovadores para impulsar o medio rural e poñer en valor os seus recursos, con preferencia para os vinculados coa Ribeira Sacra. •
Cargando ...
