• Redacción- MONFORTE. O Concello do Incio está a levar a cabo traballos de mellora no acceso a Santalla de Bardaos. As obras consisten na extensión e compactación de mestura asfáltica nun tramo de 465 metros e na limpeza de cunetas.
As actuacións forman parte do Plan Marco de mellora de camiños municipais 2020-21 do Concello do Incio. O proxecto de Santalla de Bardaos ten un investimento total de 19.000 euros. O Plan para O Incio inclúe tamén o mantemento e mellora de camiños en As Cortiñas e Romariz con 56.902,67 euros, dos que 47.027,00 euros son achegados polo Agader, e o resto dos fondos proceden do propio Concello. •
