O voleibol feminino de Monforte nutre ás Seleccións Galegas que disputarán os campionatos de España

O voley monfortino segue pegando forte, e o traballo de canteira do Ribeira Sacra e do Club Korbis sempre se deixa ver por estas datas, coas convocatorias para as seleccións galegas infantil e cadete que disputarán os Campionatos de España. Nesta ocasión, foron convocadas ata nove xogadoras destes clubs.
A selección galega infantil convocou a Jessica Goyanes e Jessica Pérez, do Club Korbis, e a Mencía Suárez e Saray González, do Ribeira Sacra. Na categoría cadete, as convocadas foron Carla Hernández, Chloe López, Xiana Muñoz e Lucía Rodríguez, do Club Korbis, e Ángela Bussieres do Ribeira Sacra. Todas elas poñeranse ás ordes dos seleccionadores galegos durante os días 2,3 e 4 de xullo en Quiroga, onde prepararán o Campionato de España de Seleccións Autonómicas (CESA 21) que se celebrará do 15 ao 18 de xullo en Valladolid.
Algunhas destas xogadoras xa son asiduas a concentracións, tanto coa Federación Galega como coa Federación Española, como é o caso de Carla Hernández, Mencía Suárez ou Saray González, auténticas promesas do voleibol galego. Un gran colofón para unha exitosa tempada do volei da comarca de Lemos. Noraboa. •

Deixa unha resposta

Your email address will not be published.

Nova Anterior

O Lemos di adeus á Terceira, mentres a Sarriana, aínda con opcións, cesa ao seu adestrador

Seguinte Nova

TAEKWONDO Neka,subcampión galego de clubs

Últimas noticias sobre DEPORTES

     
A %d blogueros les gusta esto: