Renovado o convenio da Xunta co Museo do Ferrocarril de Monforte

.A Xunta vén de renovar este mes o convenio co Museo do Ferrocarril de Galicia, con sede en Monforte. O acordo suporá a aportación, por parte do Executivo galego, de 30.000 euros para o mantemento e o labor de divulgación deste Museo, único en Galicia e no conxunto de España, dado o patrimonio ferroviario que alberga nas instalacións situadas en Monforte de Lemos.

SINATURA TELEMÁTICA
O convenio quedou asinado por vía telemática o pasado 8 de xuño, coa intervención da conselleira de Infraestruturas e Mobilidade, Ethel Vázquez, e o presidente da Fundación do Ferrocarril de Galicia e delegado territorial da Xunta en Lugo, Javier Arias.

FOMENTO DO FERROCARRIL E DA SÚA CULTURA
Dende a Xunta salientaron que o obxectivo desta aportación económica é garantir o funcionamento do Museo do Ferrocarril de Galicia, así como o desenvolvemento das diversas actividades de exhibición dos importantes fondos que atesoura. Así mesmo, o coñecemento da historia e do avance das tecnoloxías do ferrocarril ao longo dos anos favorece a concienciación da súa importancia como medio de transporte, e a posta en valor deste singular patrimonio contemporáneo.•

Deixa unha resposta

Your email address will not be published.

Nova Anterior

900.000 euros da Xunta para impulsar catro novos viveiros de empresa na zona sur

Seguinte Nova

A Deputación arranxa a estrada desde Fontela ata o desvío de Mourelos no Saviñao

Últimas noticias sobre TURISMO

   
A %d blogueros les gusta esto: