A mediados de xullo, quedaron rematadas as obras de acondicionamento que a Xunta desenvolveu nun treito de 11 quilómetros da estrada LU-653, que comunica A Pobra do Brollón con Hospital do Incio.
O delegado territorial da Xunta en Lugo, Javier Arias, desprazouse ata A Pobra para supervisar o resultado dos traballos, acompañado polo alcalde deste municipio, Xosé Luís Maceda, e o rexedor de O Incio, Héctor Corujo. Arias explicou que o Executivo autonómico destinou 85.100 euros para acondicionar preto de 11 quilómetros deste vial, entre os puntos quilométricos 3,200 e 14,100, que discorren polo término municipal da Pobra do Brollón. Os traballos consistiron na reparación localizada do pavimento nos treitos que o precisaron, e na aplicación posterior dun dobre tratamento superficial de regos asfálticos con grava. Arias salientou que estas obras beneficiarán sobre todo á veciñanza dos núcleos de A Ferreirúa, Pacios e Biduedo, entre outros.•
Cargando ...
