• PANTÓN. A Piscina Municipal está aberta dende o 22 de xullo, coas medidas anticovid establecidas polas autoridades sanitarias. O horario para acceder ás zonas de baño é de 13:00 a 21:00 horas.•
• O SAVIÑAO. O sábado 24 de xullo, ás 13:00 horas, terá lugar no Círculo Saviñao a inauguración da Exposición Colectiva Galego-Portuguesa, que organiza esta asociación cultural recreativa de Escairón e a Associaçao da Amizade e das Artes Galego Portuguesa. A mostra recolle obras de 17 creadores galegos e portugueses, nunha escolma que poderá verse ata o 4 de setembro. •
• CHANTADA. O Espazo Xove de Chantada continúa a promover diversas actividades para fomentar o lecer creativo na mocidade entre 14 e 30 anos da comarca. Durante os meses de xullo, agosto e setembro estase a desenvolver un obradoiro de ilustración e cómic, a cargo de Estefanía Padullés, todos os martes de 16:00 a 19:00 horas.Ademais, os xoves de 16:00 a 19:00 horas, o Espazo organiza un obradoiro de escultura con vimbia, para xerar estruturas colaborativas con este material. •
Cargando ...
