O soleado domingo 11 de xullo deixou en Monforte de Lemos unha colorista estampa deportiva e vinculada á paisaxe. O Club Quixós de montaña e piragüismo organizou a terceira competición da liga galega en promoción slalom- Trofeo Concello de Monforte, coa participación dun nutrido grupo de rapaces e rapazas das categorías base.
14 MEDALLAS PARA OS RAPACES E RAPAZAS DO QUIXÓS, E PRIMEIRO POSTO NA CATEGORÍA DE CLUBS
O bo traballo de canteira que desenvolve o club monfortino deu como resultado un abultado número de medallas. Ata 14 deportistas desta agrupación deportiva subiron ao podio nesta proba, na que o propio Club Quixós obtivo o primeiro posto na modalidade de clubs. Ao remate da proba, tivo lugar a entrega das medallas aos gañadores da proba, a cargo do alcalde de Monforte, José Tomé, acompañado de varios membros da Corporación local. •