Un total de 24 equipos da provincia de Lugo asinaron este mes cadanseu contrato dentro do Plan de Patrocinio Publicitario dos Equipos de Alta Competición de Galicia da Fundación Deporte Galego. A sinatura celebrouse en Lugo, coa presenza do secretario xeral para o Deporte, José Ramón Lete Lasa, o delegado territorial da Xunta en Lugo, Javier Arias, a directora de zona de Abanca en Lugo, Zaira Dapena, e os representantes dos 12 equipos masculinos e dos 12 femininos que participan neste plan. En total, a Xunta destina a estes contratos máis de 400.000 euros, o que supón máis do 12,8% da dotación total do plan de patrocinio.
O CB CHANTADA, ENTRE OS EQUIPOS DO PLAN
Entre os equipos que se acolleron a este plan, está o CB Chantada, e os clubes de baloncesto Breogán e Estudiantes da capital provincial. O Emevé de voleibol de Lugo tamén está integrado nos contratos de patrocinio, co seu equipo masculino e co feminino.•
Cargando ...
