O programa itinerante Propulsa Patrimonio fixo parada en Chantada e Monforte

•A iniciativa busca difundir o gran momento da danza contemporánea tendo como escearios 27 espazos singulares de toda Galicia

O programa organizado pola Xunta levou a Monforte tres espectáculos de danza contemporánea, na contorna da Praza da Compañía. GPXG

A Xunta está a desenvolver un novo programa cultural para este verán, que vincula a danza contemporánea cos principais entornos monumentais da comunidade. Baixo o título “Propulsa Danza + Paisaxe + Patrimonio”, un total de 30 formacións están a amosar ata finais de agosto as súas propostas de danza en 27 espazos singulares de Galicia.

Os tres espectáculos puideron desfrutarse na Praza da Compañía de Monforte de Lemos. (Foto: MONTERO)

MÁIS DE MEDIA DUCIA DE SESIÓNS NA PROVINCIA DE LUGO
As sesións arrancaron no Peirao de Rinlo, en Ribadeo, o 2 de xullo, e fixeron parada ao día seguinte no Castelo de Pambre, en Palas de Rei. A cita do día 9 tivo lugar na Praza Conde de Fenosa en Portomarín, para continuar o día 10 en Chantada. Logo de pasar pola capitalidade provincial, a Praza dos Escolapios de Monforte de Lemos acolleu, o día 16, os espectáculos Keep Going, de La Macana; Feelings, de Janet Novas, e Um solo para a sociedade, de Sao Castro & Antònio M. Cabrita.

As actuacións conxugaron a danza galega máis vangardista coa riqueza patrimonial de espazos singulares de Galicia, como o Colexio dos Escolapios, en Monforte de Lemos. (Foto: MONTERO)

XACOBEO 2021-2022
Das formacións que participan no programa impulsado pola Consellería de Cultura, Educación e Universidade, 23 son galegas e as outras sete son convidadas do resto de España, Francia e Portugal.
Segundo destacaron os responsables autonómicos, o ciclo, integrado na programación do Xacobeo 2021-2022, busca compartir co público o gran momento creativo da danza en Galicia, ao tempo que se pon en valor o noso patrimonio cultural e paisaxístico.•

Deixa unha resposta

Your email address will not be published.

Nova Anterior

200.000 euros provinciais para apoiar a actividade cultural das asociacións lucenses

Seguinte Nova

A investigadora Mar López Sotelo presentou o seu libro sobre esgrafiados na Ribeira Sacra e o Camiño de Santiago

Últimas noticias sobre ASOCIACIONISMO

A %d blogueros les gusta esto: