Do 21 ao 25 de xullo, estase a celebrar a sétima edición do Fancine de Lemos, un espazo «para participar e compartir pasións cinematográficas», segundo expliou o seu codirector, Iván Patiño.
Aparte da proxección dunha vintena de curtas e de cinco longametraxes, entre as que está a recoñecida cinta «Amigo», de Óscar Martín, o Fancine propón unha ampla axenda de actividades gratuítas, como a exposición permanente da obra de Noemí Núñez, no Ateneo Casino. Tamén haberá coloquios en varios espazos, un taller de maquillaxe FX ou unha sesión de contacontos. A axenda do Fancine pode consultarse en www.fancinedelemos.com.•
