ADIF adxudicou por máis de 30 millóns de euros a renovación de vía do tramo Monforte de Lemos-Lugo

• A actuación ten como obxectivo a mellora da calidade, fiabilidade e competitividade da conexión ferroviaria

Imaxe dos traballos de topografía na liña ferroviaria Monforte de Lemos – Lugo. (Foto: ADIF).

O Consello de Administración de Adif autorizou a adxudicación do contrato de obras de execución do proxecto construtivo de renovación de vía do tramo Monforte de Lemos-Lugo, por un importe de 30.346.026,48 euros, ive incluído. Estes traballos, adxudicados á empresa Comsa, enmárcanse nas actuacións promovidas por Adif para a mellora da calidade e fiabilidade da conexión ferroviaria entre Monforte de Lemos e Lugo. O traxecto Monforte-Lugo ten actualmente 71 quilómetros de lonxitude en vía única non electrificada. Precisamente, a electrificación deste tramo constitúe un dos principais investimentos planificados para o corredor.

MELLORAS NO TRAXECTO MONFORTE-LUGO
Estas actuacións teñen como obxectivo cumprir os compromisos de Adif coa optimización das condicións de explotación comercial do traxecto, en parámetros tales como a fiabilidade, o confort e os tempos de viaxe. Os traballos previstos inclúen a modernización das instalacións existentes, así como a electrificación do corredor, adaptando a electrificación existente no tramo Ourense-Monforte de Lemos e dotando de catenaria e instalacións eléctricas ao tramo Monforte -Lugo. Esta intervención é unha das financiadas pola Unión Europea – NextGeneration EU. •

ADIF licita obras para optimizar pontes do tramo Ourense – Monforte por 10,5 millóns

O proxecto comprende actuacións nun total de nove pontes, doce trincheiras e seis medias ladeiras, co fin de adaptalos aos novos parámetros de explotación da liña, incluído o gálibo, que require a electrificación a 25 kilowatios que se instalará nesta liña entre as estacións de Monforte de Lemos e Ourense. O contrato licítase por un importe de 10.538.296,49 euros, cun período de execución de once meses, e contempla a ampliación do noiro existente no lado sur da estación ourensá de Os Peares para, posteriormente, permitir que se constrúa a plataforma ferroviaria dunha futura vía desviada, e conseguir unha lonxitude de 750 metros. Optimizaranse os sistemas de drenaxe da infraestrutura ferroviaria, así como as súas condicións de conservación e durabilidade. •

Deixa unha resposta

Your email address will not be published.

Nova Anterior

Preto dunha quincena de eventos para celebrar en agosto unha atípica Feira do Viño de Amandi

Seguinte Nova

A superficie xestionada no convenio de protección das aldeas fronte ao lume achégase ao 70% do total

Últimas noticias sobre GALERÍA

   
A %d blogueros les gusta esto: