Intensa axenda de lecer para o verán na Asociación Veciñal de Tuiriz

Imaxes do espectáculo «Punkdemia» en Tuiriz, a cargo de Peter Punk. (Foto: Asoc. Veciñal Tuiriz).

A dinamización da vida na aldea é o obxectivo das propostas culturais e lúdicas que ofrece ao longo do ano a Asociación Veciñal de Tuiriz. Este colectivo vén de organizar, na fin de semana do Apóstol, un espectáculo familiar, titulado «Punkdemia», a cargo de Peter Punk. A actividade contou coa asistencia de 80 persoas, que completaron o aforo dispoñible.
Así mesmo, a veciñanza de Tuiriz rematou o mes de xullo cunha excursión no tren turístico de Doade, que percorre a paisaxe de viñedos das terras soberinas. Ademais, completaron a xornada cunha visita á adega Regina Viarum.
A programación de agosto continúa con máis actividades. Para o sábado día 7, está prevista a actuación do grupo de música tradicional Abrente, que tamén organiza a Asociación Veciñal de Tuiriz dentro do programa «Musiqueando», da Vicepresidencia da Deputación de Lugo.•

Deixa unha resposta

Your email address will not be published.

Nova Anterior

A sétima edición do Fancine de Lemos reactivou o espírito cinéfilo da cidade de Monforte

Seguinte Nova

A Xunta destina preto de 900.000 euros á hostalería de Monforte de Lemos a través de 401 axudas

Últimas noticias sobre ASOCIACIONISMO

A %d blogueros les gusta esto: