O Concello presentou na Compañía o documental “Monforte de Lemos, Vía Sacra”, co que promocionará o potencial económico da cidade

Preto de 300 persoas asistiron á presentación do documental promovido polo Concello de Monforte. (Foto: MONTERO)

A monfortina Praza da Compañía acolleu, a finais do mes pasado, a presentación do documental “Monforte de Lemos, Vía Sacra”, unha iniciativa audiovisual promovida polo Concello para dar a coñecer o potencial económico e os diversos atractivos da cidade do Cabe. A peza, dirixida por Ignacio Seijo, foi concibida como un documental en formato cine no que, ao longo da hora e 18 minutos que ten de duración, vai tecendo a imaxe contemporánea de Monforte de Lemos a través dunha escolma de 22 proxectos empresariais da cidade, que son os verdadeiros protagonistas do documental.
O alcalde, José Tomé, resumiu na presentación a intención do Concello con este documental, do que é o principal patrocinador. “Quixemos acadar un dobre obxectivo: amosar o potencial patrimonial, cultural, gastronómico, etnográfico e artístico de Monforte de Lemos e da Ribeira Sacra. E poñer en valor a actividade económica, a industria e o tecido empresarial de Monforte de Lemos, especialmente nun momento no que a incidencia da Covid-19 segue a estar moi presente na nosa sociedade, e afectando de cheo ós nosos sectores produtivos”.
Tomé agradeceu “a colaboración das empresas que quixeron formar parte deste proxecto, e copatrocinar xunto co Concello este documental. Nel, imos visibilizar o esforzo, o traballo e a ilusión que os empresarios e empresarias desta terra adican no seu día a día”.
Preto de 300 persoas asistiron ao evento, que tivo como nota cultural destacada a actuación da artista monfortina Rosa Cedrón. •

Deixa unha resposta

Your email address will not be published.

Nova Anterior

Agosto, unha boa oportunidade para promocionar a mel e o aceite de Quiroga

Seguinte Nova

A Deputación insta á Xunta a que elabore un plan de choque para dotar de recursos aos cadros de persoal do Sergas e medidas de reforzo para a Atención Primaria

Últimas noticias sobre EVENTOS

   
A %d blogueros les gusta esto: