Presentan a Estratexia do Viño, que busca consolidar no mercado o sector vitivinícola galego e potenciar o turismo vinculado ás zonas de produción

•Cun investimento superior aos 700.000 euros, a Estratexia da Xunta incide nas dimensións económica, territorial e turística das comarcas vitivinícolas

Na imaxe superior, o conselleiro do Medio Rural, José González, na presentación da Estratexia do Viño, elaborada en colaboración coa Fundación Juana de Vega. GPXG

A Xunta vén de presentar a Estratexia de dinamización económica, territorial e turística das comarcas vitivinícolas de Galicia, que persegue consolidar os nosos viños nos mercados nacional e internacional e potenciar tanto a imaxe de marca e identidade como o turismo vinculado aos territorios onde se producen.

46 MEDIDAS E CASE 300 ACCIÓNS
A Estratexia de dinamización económica, territorial e turística das comarcas vitivinícolas de Galicia artéllase en 46 medidas e 299 accións estruturadas en sete eixes estratéxicos. Así, no primeiro eixe relativo á cooperación, búscase incrementar a dimensión do sector vitivinícola e fomentar a colaboración entre as diferentes comarcas implicadas para afrontar os retos da internacionalización. No segundo eixe, sobre a viticultura e a produción de uva, habilitarase un programa de mobilidade da terra, recuperación de superficies abandonadas e reestruturación parcelaria para asegurar a rendibilidade das explotacións. No terceiro eixe, adicado ao fortalecemento da industria vitivinícola, contémplase impulsar proxectos de cooperación entre pequenas adegas priorizándoos nas axudas públicas, e a habilitación de liñas dirixidas a facilitar o acceso ao crédito á industria vitivinícola con mecanismos como o préstamo vendima.
No cuarto eixe, centrado na comercialización e nos mercados, proponse deseñar o mapa de posicionamento dos viños de Galicia nos distintos segmentos de mercado en función das tipoloxías de consumidores e diversificar o portfolio de viños das Denominacións de Orixe Protexidas, entidades a cuxa organización adícase o quinto eixe da Estratexia.
PULO AO ENOTURISMO E Á PAISAXE
Pola súa parte, o sexto piar do documento refírese ao turismo e ao enoturismo, para eliminar as restricións á implantación de adegas e complexos enoturísticos en solos rústicos e incorporar novas categorías de aloxamentos turísticos vinculados ao enoturismo, realizar campañas de concienciación sobre as oportunidades deste negocio e crear liñas de axuda ao efecto. O sétimo e último eixe está relacionado co patrimonio natural, cultural e a paisaxístico, coa redacción dun atlas das paisaxes vitivinícolas de Galicia, a realización dun inventario dos viñedos máis antigos para a súa protección e promoción e a catalogación das paisaxes máis características, entre outros aspectos.•

Deixa unha resposta

Your email address will not be published.

Nova Anterior

O Consorcio Ribeira Sacra amplía o seu orzamento e prepara unha nova imaxe corporativa

Seguinte Nova

A mostra de autómatas Kinetiko percorre nove concellos da zona sur ata setembro

Últimas noticias sobre ECONOMÍA

O prezo do leite

• Agromuralla e UCGAL monitorizarán os prezos do leite desde as granxas ate os puntos de

A %d blogueros les gusta esto: