ARTESANÍA, ANIMACIÓN E ETNOGRAFÍA XUNTÁRONSE NA EXPOSICIÓN ITINERANTE «KINEKITO»

• Redacción – MONFORTE. Monforte acolleu en agosto unha das sesións itinerantes da exposición «Kinekito de Xira de Paus», que ofrece Trécola Producións e organiza a Área de Cultura da Vicepresidencia da Deputación. A iniciativa tivo como obxectivo poñer en valor o universo dos autómatas, que na exposición cobraron vida grazas á intervención dos seus creadores, Manu Taboada, xogueteiro da Chintofanería, e Ero Vázquez, titiriteiro e artesán de Trécola. As persoas que se achegaron á exposición montada na Casa da Cultura Lois Pereiro de Monforte puideron manexar os diversos autómatas, que reproduciron esceas, oficios e pequenas historias cotiás.
A mostra, que combina artesanía, tradicións e espectáculo, percorreu varias vilas do sur lucense, e continuará en setembro con sesións en Pantón, Bóveda e Chantada.•