• Redacción- MONFORTE.
Durante o mes de agosto, arrancaron os traballos na nova escavación de Penas do Castelo, situada no municipio de A Pobra do Brollón. O proxecto, xurdido da colaboración entre a Xunta, o Concello, a Asociación Veciñal de Salcedo e a Comunidade de Montes, está financiada pola Consellería de Cultura, Educación e Universidade.
Como tarefas previas, a Comunidade de Montes promoveu a roza e o rexistro deste punto de interese arqueolóxico, no que os traballos técnicos están a cargo de Árbore Arqueoloxía. O proxecto céntrase na muralla do xacemento, para a súa datación a través de mostras ás que se aplicará a análise por Carbono 14.
Tradicionalmente, este miradoiro natural considerouse un xacemento altomedieval, pero tralos traballos de limpeza vexetal quedou de manifesto unha estrutura de posible castro, similar a outras detectadas no Courel ou en varios puntos da provincia de Ourense. •
