• Redacción – MONFORTE. No mes de agosto, un total de 11 mozos e mozas de varios puntos de Galicia, Andalucía e País Vasco participaron no cuarto campo de voluntariado no Castro de San Lourenzo, na parroquia de Cereixa.
APOIO Á SÉTIMA CAMPAÑA ARQUEOLÓXICA
A iniciativa, financiada pola Xunta de Galicia en colaboración co Concello de A Pobra do Brollón, serviu para que estes voluntarios apoiaran a sétima campaña de escavacións que teñen lugar neste xacemento. O grupo, dirixido polo arqueólogo Xurxo Ayán, colaborou nas tarefas de ampliación da escavación entre a ábsida da ermida e a muralla do castro, para verificar o límite da necrópole altomedieval e visualizar como se conectan os restos medievais coa antiga muralla castrexa.
O programa serviu para dar a coñecer aos mozos participantes varios puntos de interese cultural, paisaxístico e etnográfico deste municipio.•
