• Redacción – MONFORTE. Ata o 24 de setembro está aberto o prazo para solicitar as axudas que o Concello de Monforte destina a asociacións culturais, lúdicas, recreativas ou formativas sen ánimo de lucro, co fin de apoiar o financiamento de actividades realizadas no exercicio 2021. Dende o Consistorio informaron de que, unha vez estean concedidas as axudas, as asociacións terán de prazo ata o 10 de decembro de 2021 para xustificar as actividades obxecto de subvención. As bases están publicadas no Boletín Oficial da Provincia do venres 3 de setembro.
A partida municipal para este tipo de achegas ascende a 12.000 euros. Cada beneficiario recibirá como máximo 1.000 euros, ou o 70% do investimento subvencionable por cada anualidade. O alcalde, José Tomé, salientou que o obxectivo destas aportacións é «seguir apoiando o labor das nosas asociacións, especialmente neste momento de crise provocada pola pandemia». O rexedor monfortino precisou que «por este motivo, decidimos manter o mesmo importe que destinamos en 2020 a este concepto, para apoiar actividades imprescindibles para o desenvolvemento cultural da nosa cidade, como charlas, conferencias, publicacións, concertos ou eventos». Tomé insistiu en que «a pesares da pandemia, as asociacións de Monforte terán o apoio do equipo de Goberno».•
12.000 EUROS EN AXUDAS DO CONCELLO DE MONFORTE PARA ASOCIACIÓNS SEN ÁNIMO DE LUCRO
Últimas noticias sobre INICIATIVAS
• O acordo inclúe tamén pedir á Xunta que poña en funcionamento un Observatorio de Prezos
• A campaña, que difundirá o valor da toponimia galega, inciase en Pantón o 17 de
O Diario Oficial de Galicia (DOG) publicou os decretos da Consellería do Medio Rural polos que
• O Concello procedeu a executar os traballos de limpeza da lagoa do Parque dos Condes
• A campaña da Xunta que anima a reciclar envases lixeiros coa instalación dun contedor xigante
