Adxudicada por 83.000 euros a mellora da estrada provincial de Remesar, en Bóveda

A Deputación tamén mellora varios quilómetros de viais en Monforte e O Páramo

O presidente da Deputación, na visita ás obras realizadas recentemente en 3 quilómetros deste vial, cun investimento de 93.000 euros. GPDL

• Redacción- MONFORTE.
A Deputación vén de dar continuidade á mellora da LU-P-0907, coñecida como estrada de Remesar, que une os concellos de Bóveda e Paradela. A finais de agosto, o organismo provincial adxudicou por 82.280 euros as obras de mellora de tres quilómetros deste vial, entre os quilómetros 3,37 e 6,07, cun prazo de execución de 9 meses. As obras complementan as obras xa realizadas nos primeiros 3 quilómetros desta estrada, nos que a Deputación investiu outros 93.000 euros. •

A Deputación mellora varios quilómetros de viais en Monforte e O Páramo

A Deputación de Lugo licitou en agosto obras de mellora en cinco estradas provinciais que discorren polo municipio do Páramo. O investimento achégase ao medio millón de euros, para acondicionar algo máis de 14 quilómetros en total.

ARRANXOS EN CINCO ESTRADAS NO PÁRAMO
Na estrada LU-P-4304 que une O Páramo coa Pobra de San Xiao, mellorarase un treito de 200 metros, e outro máis de un quilómetro no antigo tramo da LU-P-2904 que conecta o concello con Conturiz. O conxunto de obras ten un prazo de execución de seis meses, e un investimento de máis de 367.000 euros.
Nas restantes tres estradas actuarase en 13 quilómetros, cun investimento de 122.851 euros e un prazo de execución de catro meses. En canto á estrada LU-P-4203 entre Pacios e Trebolle, rehabilitaranse máis de seis quilómetros entre os puntos 8 e 14. Dende a Deputación destacaron que este vial dá servizo ás parroquias de Friolfe e A Torre, e supón un punto de unión co concello de Paradela.
A licitación tamén incluiu obras na LU-P-4305 entre O Páramo e Moscán, para acondicionar o primeiro quilómetro e medio. Así mesmo, na LU-P-4306 de Santo André a Ribeira, a intervención farase nos primeiros 5,6 quilómetros.

MÁIS DE 130.000 EUROS PARA A ESTRADA DE MONFORTE A CURRELOS
A Deputación adxudicou a finais de agosto o arranxo da LU-P-3202 entre Monforte de Lemos e Currelos, no municipio de O Saviñao. A intervención implica o treito entre os puntos quilométricos 6,9 e 10,4, cun investimento de 133.100 euros. •

Deixa unha resposta

Your email address will not be published.

Nova Anterior

12.000 EUROS EN AXUDAS DO CONCELLO DE MONFORTE PARA ASOCIACIÓNS SEN ÁNIMO DE LUCRO

Seguinte Nova

Un repaso á historia gráfica das denominacións de orixe galegas, no Museo do Viño de Galicia

Últimas noticias sobre INFRAESTRUTURAS

A %d blogueros les gusta esto: