• R.- MONFORTE. Do 6 ao 28 de setembro, a Escola Municipal de Música Samoeiro da Pobra do Brollón ten aberto o seu prazo de matrícula. Neste curso, inclúe como novidade clases de guitarra. Haberá grupos para nenos e adultos en todas as disciplinas agás coro, e ofértase unha materia específica de iniciación musical para nenos de 5 a 12 anos.
A Escola Samoeiro continúa a ofrecer clases de baile tradicional galego, acordeón, gaita, percusión tradicional, frauta e piano.
A matrícula está aberta para veciños da Pobra e tamén doutros concellos. O prezo anual por materia é de 90 euros, e de 45 euros por materia adicional. Hai prezos reducidos para membros dunha mesma unidade familiar. •
Cargando ...
