R.- MONFORTE. O Concello ven de anunciar que desde o 20 de setembro está aberto o prazo de inscrición tanto na Escola Municipal de Música como na Escola Municipal de Danza.
Todos os interesados deberán dirixirse á Secretaría do Edificio Multiusos en horario de mañá entre as 10:00 e as 13:00 horas, ou en horario de tarde entre as 16:00 e as 18:00 horas, sendo tamén posible a inscrición a través da sede electrónica do Concello, no seguinte enlace: https://sede.monfortedelemos.es/index.php?id=tramitacion.
ESPCIALIDADES MUSICAIS OFERTADAS
As especialidades musicais ofertadas son: Música e Movemento (nenos entre 4 e 5 anos), Percusión (batería, percusión), Percusión galega (pandeireta, tamboril, bombo, pandeiro), Teclado, Acordeón, Violín, Guitarra española, Guitarra eléctrica, Gaita, Clarinete, Frauta traveseira, Saxofón, Trompa, Trompeta, Trombón de varas e Tuba. En música, completarase a ensinanza instrumental con clases de linguaxe musical, así como participación en grupos colectivos que se organicen na Escola.
ESPECIALIDADES
EN DANZA
As especialidades ofertadas en danza son:Danza tradicional galega (a partir de 5 anos), Danza contemporánea / moderna (a partir de 9 anos) e Ballet clásico (a partir de 5 anos).
Máis información no teléfono 982 40 38 93.•
