Lugo Románico: o primeiro volume dunha nova guía sobre o Románico na provincia, adicado á Ribeira Sacra

Imaxe dos participantes no acto de presentación do primeiro volume de Lugo Románico, na igrexa da Santa María de Nogueira de Miño. GCDL.

• R.- MONFORTE. O Presidente da Deputación de Lugo, José Tomé Roca, presentou na igrexa da Santa María de Nogueira de Miño, coñecida como a Capela Sixtina da Ribeira Sacra, o primeiro volume da guía Lugo Románico, un novo proxecto editorial emprendido pola institución provincial para reforzar a promoción do patrimonio deste estilo arquitectónico co que conta a provincia de Lugo, “un sinal de identidade e un poderoso reclamo turístico, ao redor do que artellar unha oferta de calidade, sostible, non masificada e de experiencias”, subliñou José Tomé.

A RIBEIRA SACRA ESTREA ESTA COLECCIÓN
O proxecto editorial estrease cun tomo adicado á Ribeira Sacra, ainda que terá outros tres tomos sobre o románico noutras zonas da provincia. A guía arranca por esta comarca, “como non podía ser doutro xeito”, asegurou o Presidente, pois na Ribeira Sacra “está a maior concentración do románico rural de toda Europa”.

RUTA
TRANSROMÁNICA
O Presidente recalcou que o románico da provincia é un dos máis importantes de España e de Europa, como demostra que Lugo forma parte da Ruta Tranrománica do Consello de Europa dende o pasado ano. “Desta forma, situamos ao noso patrimonio nunha das grandes rutas culturais europeas, a máis importante das vinculadas a este fermoso estilo arquitectónico. Unha ruta da que, en España, só forman parte outros dous lugares: o mosteiro de Santo Domingo de Silos e a cidade de Zamora”, explicou José Tomé.•

Deixa unha resposta

Your email address will not be published.

Nova Anterior

Ribeira Sacra e Serras do Oribio e Courel proclamadas Reserva da Biosfera pola UNESCO

Seguinte Nova

Aberto o prazo para a inscrición nas Escolas Municipais de Música e de Danza de Monforte

Últimas noticias sobre CULTURA

   
A %d blogueros les gusta esto: