• Dez novos vehículos e equipamento
• Redacción- MONFORTE. Na explanada da Compañía tivo lugar a presentación dos novos equipos destinados a mellorar a recollida do lixo tanto na cidade como nas parroquias de Monforte. . O Alcalde de Monforte, José Tomé Roca, acompañado polo Director da Delegación Noroeste de FCC Medio Ambiente, Ernesto Barrio, a 1ª Tenente de Alcalde, Gloria Prada, e o Concelleiro de Obras, Medio Rural e Servizos, José Luís Losada, foi o encargado de presentar os dez novos vehículos e equipamentos para a recollida de residuos municipais, cunha inversión de máis de 635.000 euros, froito das negociacións do Alcalde, José Tomé Roca, coa empresa FCC Medio Ambiente, que supuxeron a renovación do contrato para a recollida e transporte de residuos urbanos e limpeza viaria do municipio. No mesmo acto presentáronse tamén os dous vehículos de limpeza viaria pendentes de entrega desde o pasado mes de abril.
PRÓRROGA DO CONTRATO CON FCC MEDIO AMBIENTE
Desde a prórroga do contrato do servizo de recollida de residuos e limpeza viaria, subscrito entre o Concello de Monforte e FCC Medio Ambiente, a concesionaria xa levou a cabo, neste ano 2021 as seguintes accións:
• A adquisición de 25 equipos e vehículos para limpeza viaria, por 914.611,38 €.
• A adquisición de 10 vehículos e equipamento para a recollida de residuos, por 635.442,42 €.
• Renovación de colectores: 345.991,59 €.
• A renovación de colectores soterrados, cunha inversión de 239.170,74 euros.
• Inversión en papeleiras: 43.038 euros.•
