Galicia rexistrou un agosto histórico en ocupación nos aloxamentos turísticos da comunidade con 2,2 millóns de pernoitas, mellorando o mes pasado en 20 puntos a chegada de viaxeiros respecto á medida nacional mellorando a cifra de 2019 cun 2,6% máis de visitantes e tamén nun 1,5% en canto ás pernoitas.
O vicepresidente primeiro da Xunta, Alfonso Rueda, destacou que os hoteis galegos xa recuperaron plenamente os datos turísticos prepandemia, unha reactivación que se estende ao resto dos aloxamentos, se ben, está a notarse con maior intensidade nas pensións, apartamentos turísticos e cámpings da comunidade, sobre todo nestes dous últimos, que marcaron máximos históricos.
A campaña Presume de morriña foi presentada no Porto de Vigo polo Vicepresidente Alfonso Rueda. Trátase dunha iniciativa do Clúster Turismo de Galicia que busca animar a visitar Galicia e reactivar o turismo a través da publicación de vídeos e fotografías nas redes sociais dos lugares preferidos por parte dos galegos e turistas que xa coñecen visitaron a comunidade. •
