O xacemento de proendos saca á luz un hórreo romano único en Galicia

Imaxe do hórreo romano atopado nas escavacións do xacemento de Proendos. GCXG.

A escavación impulsada pola Xunta de Galicia no xacemento de Proendos vén de sacar á luz un hórreo romano único na Comunidade. Así o comprobaron o conselleiro de Cultura, Educación e Universidade, Román Rodríguez, e o alcalde, Luis Fernández, que visitaron o campamento onde o Goberno galego está levando a cabo unha nova campaña en colaboración co Concello de Sober.
Na visita, o titular de Cultura do Goberno galego salientou a importancia dos restos atopados, así como a importancia dos traballos feitos para afondar no legado excepcional da vila de Sober. “Estes achados, únicos en Galicia, reforzan a importancia que xa tiña Sober na época romana e nos axudan a comprender como vivían as antigas civilizacións na nosa terra”, engadiu.
Os traballos en marcha dan continuidade ás actuacións impulsadas neste espazo os últimos anos e que xa sacaron á luz restos romanos do século I ao V. Nesta ocasión, os profesionais da empresa Tempos Arqueólogos están realizando dúas sondaxes manuais no ámbito do xacemento. A primeira delas centrouse na zona onde se atopa a estrutura tipo hórreo, mentres que a segunda sondaxe sitúase nunha zona do xacemento próxima a igrexa de Santa María de Proendos para comprobar a posible existencia dunhas estruturas circulares.
Cómpre lembrar que neste lugar tense constatado desde antigo, a través de achados casuais e intervencións non sistemáticas, a aparición de significativas evidencias materiais de adscrición romana que van desde un gran número de fragmentos de tégula, ladrillos e cerámica, ata varios fragmentos de columnas, capiteis, basas, epígrafes e restos de canalizacións de granito, moitos dos cales aínda se conservan nos muros de peche e no interior das casas do actual pobo de Proendos. Os últimos traballos impulsados neste xacemento xa constataron a existencia dun hipocausto, unha estancia oca que os romanos adoitaban construír debaixo do chan nos cuartos das vivendas e nos baños para que circulara o aire quente.
Tamén se localizou unha ábsida circular, un elemento arquitectónico de orixe romano presente tanto en edificios relixiosos como seculares, e unha hipotética horrea romana.•

Deixa unha resposta

Your email address will not be published.

Nova Anterior

O IES Daviña Rey renova a súa fachada e o IES A Pinguela amplía as súas instalacións

Seguinte Nova

«Nosoutras – Relatos Femininos», proxecto de igualdade homenaxe ás mulleres do rural

Últimas noticias sobre CULTURA

Vari Caramés

• O mestre do desenfoque do cotidiano, vén de impartir un taller fotográfico no Sacra Forma

A %d blogueros les gusta esto: