A IMPORTANCIA DO MUNDO DO VIÑO PARA DESESTACIONALIZAR O TURISMO NA RIBEIRA SACRA

Entrega do diploma de Galicia Calidade a Finca Míllara de Pantón. Foto Canle.

A Xunta e as cinco Asociacións das Rutas dos Viños de Galicia están a celebrar este outono unha nova edición das Xornadas de Portas Abertas das Rutas dos Viños, que inclúe por vez primeira unha fin de semana para cada unha delas baixo o lema Volvemos a brindar.
No marco desta iniciativa, a Ribeira Sacra acolleu visitas guiadas e de balde ás 11 adegas participantes na promoción con actividades e itinerarios variados con paradas en lugares de interese como o EcoMuseo de Arxeriz, o Centro Oleiro Rectoral de Gundivós (Sober), o mosteiro das Bernardas (Pantón) o Museo do Viño da Ribeira Sacra (Monforte de Lemos), unha visita teatralizada ao Pazo de Tor (Monforte) e a outros espazos de referencia como os miradores.

ENOTURISMO
O delegado da Xunta en Lugo, Javier Arias, destacou o valor engadido que achega o viño para dinamizar a oferta turística da Ribeira Sacra durante todo o ano. No transcurso dunha visita á adega Abadía da Cova (O Saviñao) no marco das 10ª Xornadas de Portas Abertas das Rutas dos Viños de Galicia, Arias apuntou que “a viticultura e o viño son inseparabales doutros sinais de identidade desta zona como a paisaxe e o patrimonio, polo que é un acerto aproveitar en conxunto esas fortalezas para seguir consolidando este territorio como un destino único que ofrece infinitas posibilidades”.
Arias puxo en valor o apoio da Xunta con iniciativas como as xornadas de portas abertas que chegan este outono á súa décima edición ou os traballos de sinalización da Ruta dos Viños desta denominación de orixe, que están actualmente en execución cun investimento próximo aos 140.000 euros.•

Deixa unha resposta

Your email address will not be published.

Nova Anterior

A ADEGA FINA MÍLLARA OBTÉN O SELO GALICIA CALIDADE COA SÚA APOSTA POLA INNOVACIÓN

Seguinte Nova

SETE VOGAIS DO CRDO RIBEIRA SACRA RECLAMAN ANTE O VALEDOR DO POBO POLA IMPOSIBILIDADE DE CELEBRAR A MOCIÓN DE CENSURA SOLICITADA

Últimas noticias sobre O MUNDO DO VIÑO E DO AGRO

A %d blogueros les gusta esto: