BOAS NOTICIAS PARA O GOLF MONFORTINO: JOSE ÁNGEL PÉREZ REÑONES CAPITANEA A GALICIA PARA ALCANZAR O BRONCE NO CAMPIONATO INTERAUTONÓMICO DE PITCH& PUTT E O CLUB DE GOLF RÍO CABE SERÁ SEDE DO CAMPIONATO DE ESPAÑA DE DOBRES

Desde o mes de maio en que Jose Ángel Pérez Reñones se proclamou campión de España, todos son boas novas par o Golf monfortino. Especialmente para o Club Río Cabe. A volta das competicións, nun campo ampliado, que luce os seus 18 buratos en todo o seu esplendor, e que terá o privilexio de ser sede do próximo Campionato de España de dobres de Pitch&Putt. As datas inicialmente previstas para a súa celebración son os días 21 e 22 de maio de 2022. O presidente e verdadeiro alma mater do Río Cabe, considera toda unha honra e unha grande responsabilidade a concesión da organización deste torneo, que permitirá ver de preto á élite nacional do Pitch&Putt. Elite entre a que figura o propio José Ángel Pérez Reñones, que vén de capitanear á Selección Galega de Pitch& Putt que competiu recentemente no Campionato Interautonómico celebrado no Golf Sotoverde de Valladolid, no que logrou unha meritoria terceira posición. Ademáis de Reñones, no combinado galego formáron: Rubén García Romero, de Barbanza Pitch& Putt, Antonio Outeiriño López, de Miño C. G. Ártabro, Daniel Varela Tubio, do C. G. Val de Rois e Simón Daniel Varela Novoa, de Barbanza Pitch& Putt. Tras vencer en cuartos de final contra Murcia, o equipo galego non logrou derrotar á Federación da Rioxa en semifinais. A rolda final disputouna contra Canarias, vencendo cun resultado de 2-1 e finalizando así Galicia Terceira Clasificada, subíndose ao pódium e levándose o noso equipo as medallas de bronce. Os resultados logrados por Daniel Varela nos partidos individuais e Simón Daniel Varela/Rubén García nos foursomes foron os máis destacados. •

Deixa unha resposta

Your email address will not be published.

Nova Anterior

O Parlamento aproba por unanimidade unha proposta do BNG para delimitar o Camiño de Inverno

Seguinte Nova

A Gallaecia-AR World Championship 2021 na Ribeira Sacra foi todo un acerto

Últimas noticias sobre DEPORTES

A %d blogueros les gusta esto: