Fíxose de rogar a iluminación exterior das instalacións deportivas de A Pinguela, pero é xa unha realidade. O pasado vinte de outubro, coa presenza do Alcalde de Monforte José Tomé procedeuse ao encendido oficial das mesmas, unha vez rematadas as obras promovidas polo concello cunha inversión superior a 60.000 €. A instalación de alumeado exterior ten unha potencia de 12.800 W (16 focos de 800 W c/u) que permite un nivel de iluminación medio de 145 lux. Porque o tema non é para broma, pero non parece que os tempos que corran sean os mellores para consumir moitos kw dado o prezo da luz. En calquera caso, púxose fin a unha longa demanda do mundo do deporte local, sendo de esperar que xunto á recente adquisición dun novo video marcador para o Pabillón de Deportes, e a partida dos presupostos do Estado de 550.000 € á mellora das un tanto desfasadas instalcións deportivas muncipais sexa unha realidade a corto prazo.
Tomé aproveitou para sinalar que “grazas a esta obra de mellora, que permitirá legalizar a instalación, a partir de hoxe xa se poderán disputar partidos de noite, cousa que ata o de agora non era posible, para o disfrute de todos os monfortinos”. Nun tempo en que o PP local demanda inversións en instalacións e legalizacións, parece que o Alcalde súmase á iniciativa.•
Cargando ...
