• Redacción- MONFORTE. O Grupo Municipal Popular mostrouse moi crítico coa rolda de prensa dada polo alcalde e o delegado do Goberno en Galicia, pois “eles saben que a eliminación das variantes entre Lugo e Ourense supón deixar á provincia sen Alta Velocidade”. Por este motivo, Katy Varela criticou «o atrevemento do Sr. Tomé e o Sr. Miñones de presumir en Monforte de inversións ferroviarias”. Katy Varela convidou ao rexedor socialista “a facer unha reflexión profunda” e aproveitar o período de emendas para esixir ao Executivo central que inclúa estes enlaces nos presupostos e reparar así unha decisión «que é un ataque frontal ás comunicacións ferroviarias na provincia”.
Para Varela, “sería unha oportunidade para que o alcalde demostre que de verdade ten peso político dentro da súa formación e que non só se move por intereses individuais”. Neste senso, Varela criticou que os dous responsables socialistas se “vanagloriasen dun gran investimento, cando, en realidade, corresponde a obras xa comprometidas e que sufriu un recorte brutal ao eliminar a execución das variantes”. •
