Os orzamentos da Xunta contemplan unha nova liña de axudas que destinará 4,5 millóns de euros a fomentar as plantacións de castiñeiros e a recuperación de soutos tradicionais. Así o destacou o director xeral de Planificación e Ordenación Forestal, José Luis Chan, que apuntou que a 1ª revisión do Plan Forestal de Galicia 2021-2040 establece a creación de novas superficies de soutos para a produción de castaña, dende as 3.500 hectáreas no primeiro quinquenio ata un total de 8.000 en 20 anos, apostando por novas superficies de soutos para a produción de madeira, con 2.000 hectáreas ata o 2025 e 8.000 no horizonte do 2040.
De cara ao 2025, tamén se contempla ter elaborado o Plan estratéxico do castiñeiro de Galicia. •
