ESPECIAL XANTAR: A provincia de Lugo amosa a súa riqueza gastronómica e turística en Xantar

•A Deputación de Lugo contou cunha caseta para promocionar a variedade de produtos da provincia e os seus recursos turísticos

A Deputada de Réxime Interior, Promoción do Territorio e Turismo, Pilar García Porto, participou na inauguración do 22º Salón Internacional de Turismo Gastronómico, Xantar 2021. GPDL.

• Redacción- MONFORTE. A Deputada de Réxime Interior, Promoción do Territorio e Turismo, Pilar García Porto, participou na inauguración do 22º Salón Internacional de Turismo Gastronómico, Xantar 2021.

RECURSOS
ENOGASTRONÓMICOS
A Deputación de Lugo contou cun expositor para a promoción dos recursos enogastronómicos e turísticos da provincia de Lugo, achegándose a un público maior e dando a coñecer o patrimonio dos 67 concellos da provincia.
Xantar é unha feira gastronómica organizada por Expourense, que ten lugar na capital ourensá, para promover a calidade da gastronomía e o turismo sustentable e saudable na comunidade galega. O evento reuniu a empresas de restauración, produtores e entidades públicas e privadas, tanto nacionais como internacionais.
García Porto animou a todas as persoas que visitaron a feira a “achegarse ao stand da provincia de Lugo e descubrir todas as alternativas que ofrece o noso territorio, onde se pode escoller entre multitude de alternativas como o turismo cultural, gastronómico, de costa ou de natureza”.

DÍA ADICADO A LUGO EN XANTAR
O día 6 de novembro adicouse á provincia de Lugo, cunha demostración culinaria en directo a cargo da Asociación de Cociñeiros de Lugo.
A presenza nesta cita enmárcase na participación da Deputación lucense en diferentes eventos nacionais para a promoción dos recursos turísticos da provincia como Fitur, a Feira Internacional de Enoturismo, Turexpo ou, Fairway. •

Sober amosou os seus atractivos gastronómicos cun stand propio na feira Xantar de Expourense

• Redacción- MONFORTE. Un ano máis, o Concello de Sober mantivo un stand propio na feira Xantar, celebrada en Expourense do 3 ao 7 de novembro. A edición número 22 do Salón Internacional de Turismo Gastronómico que acolleu a cidade das Burgas serviu para dar a coñecer a miles de visitantes a oferta turística de Sober como destino próximo, completo e único, grazas á paisaxe, o viño, a olería de Gundivós e a calidade dos seus establecementos. No stand ofreceuse unha degustación de viño de Amandi e rosca de Sober.•

Deixa unha resposta

Your email address will not be published.

Nova Anterior

PSdeG e PP enceréllanse pola paralización do Porto Seco: O PSdeG acusa á Xunta de orzamentar os mesmos 750.000€ sen executar desde 2014

Seguinte Nova

Bóveda xa dispón dun vehículo con distintivo ambiental eco para uso municipal

Últimas noticias sobre PORTADA

A %d blogueros les gusta esto: