ÉXITO DE FAIRWAY, O ÚNICO FORO DE PROFESIONAIS DO CAMIÑO DE SANTIAGO

O primeiro congreso con feira temática sobre o fenómeno xacobeo a nivel internacional amplía horizontes no sector turístico. FAIRWAY.

• Redacción – MONFORTE. A directora de Turismo de Galicia, Nava Castro, asistiu á inauguración da cuarta edición do Fórum do Camiño de Santiago FairWay, a feira especializada nos mercados que se moven ao redor das rutas xacobeas e que se celebrou no Palacio de Congresos e Exposicións de Galicia coincidindo coa celebración do Xacobeo.
Nava Castro subliñou que o encontro é “un gran escaparate internacional” para captar peregrinos e turistas coincidindo co Ano Santo, e que axudará a reactivar o sector polas posibilidades de negocio que ofrecen as 2.000 reunións previstas. Ademais do expositores de carácter nacional e internacional, o encontro acollerá mesas de traballo, foros especializados e actividades complementarias. Na feira estarán representadas todas as comunidades autónomas polas que atravesa o Camiño.•

A DEPUTACIÓN PRESENTOU OS ITINERARIOS XACOBEOS POLA PROVINCIA DE LUGO NO FAIRWAY

Expositor da Deputación de Lugo na feira de turismo adicada ao Camiño de Santiago no Pazo de Congresos e Exposicións de Galicia. GPDL.

• Redacción – MONFORTE. A Deputación de Lugo participou no Fairway que se celebrou este mes no Pazo de Congresos e Exposicións de Galicia, en Santiago de Compostela.
A Deputada de Réxime Interior, Promoción do Territorio e Turismo, Pilar García Porto, asistiu á inauguración desta cita adicada ao Camiño de Santiago na que a institución provincial contou cun expositor informativo. A provincia de Lugo integra no seu territorio un total de tres itinerarios xacobeos oficiais declarados Patrimonio Mundial da Humanidade: o Camiño do Norte, o Camiño Primitivo e o Camiño Francés, ademais do Camiño de Inverno.
García Porto destacou a importancia de estar presentes nesta cita, xa que “30 dos 67 concellos lucenses, case a metade do territorio, está atravesado por algunha das 4 rutas xacobeas”.
A Deputada sinalou que esta feira servirá “de punto de encontro entre axentes, institucións, empresas e demais profesionais ligados ao Camiños de Santiago”. Porto sinalou que “as rutas constitúen un importante impulso económico e cultural para a provincia, especialmente nun ano no que traballamos por un turismo sostible, de calidade, non masificado e de proximidade para axudar na recuperación fronte a crise sanitaria”.•

Deixa unha resposta

Your email address will not be published.

Nova Anterior

Presentado na Exfilna Lugo 2021 un selo dedicado ao monfortino don Pedro Fernández de Castro Andrade e Portugal, VII Conde de Lemos

Seguinte Nova

37 millóns de euros para fomentar as enerxías renovables entre familias, pemes, autónomos e administracións públicas

Últimas noticias sobre PORTADA

A %d blogueros les gusta esto: