• Redacción- MONFORTE. Dentro do Plan de Actuación do Padroado da Fundación de Ferrocarrís de Galicia aprobado o pasado ano, atopábase a actuación encamiñada a restablecer a dobre vía histórica de entrada e saída ferroviaria á rotonda. A pandemia atrasou os traballos, ao estar prevista a súa finalización antes do pasado verán, pero finalmente puido levarse a cabo dentro do exercicio 2021. Repuxéronse vías por parellas montadas de 19 metros con carril de 45 e travesas tipo RS, ademais de instalar dous desvíos de accionamento manual, con substitucións dalgúns tramos de vía con travesas de madeira dos anos 40 que se atopaban en moi mal estado.
Todos os traballos foron realizados por persoal do propio Museo, co apoio de dous guindastres de 80 toneladas, a 703 mecánica do propio Muferga, e puntualmente cunha de tipo hidráulico.
PATRIMONIO
FERROVIARIO
A rotonda que se mantén aínda operativa, xunto coas naves anexas, está incluída no Catálogo da Unión Europea como Conxunto Destacado do Patrimonio Industrial Ferroviario. •
Cargando ...
