O presidente do Goberno galego, Alberto Núñez Feijóo, presentou a Oficina Agraria Móbil, un servizo de proximidade para facilitar a xestión de trámites no rural.
Con esta iniciativa, Feijóo subliñou que a práctica totalidade das explotacións agropecuarias disporán a menos de 15 minutos dun punto no que poidan realizar as xestións administrativas e recibir formación e información arredor de todo o relacionado coa súa actividade.
O titular da Xunta avanzou que esta oficina, que contará con persoal para prestar os servizos tanto administrativos como técnicos e de veterinaria, anunciará con antelación as rutas a realizar co fin de que a cidadanía coñeza onde e cando vai estar localizada en cada momento. “Nela poderanse facer todas as xestións que se desenvolven habitualmente, como os trámites da PAC, a xestión de axudas ou o acceso a cursos, en calquera das 68 oficinas agrarias comarcais repartidas por todo o territorio”. O presidente lembrou o compromiso da Xunta cun rural “competitivo, dinámico e vivo” que axude a fixar poboación e actividade. Neste sentido, lembrou que máis de 4.000 mozos se incorporaron á actividade agraria na última década.•
Cargando ...
