• Redacción- MONFORTE. A Xunta xa leva vacinadas a un total de 253.076 persoas contra a gripe dende o inicio da campaña de vacinación antigripal, que se iniciou o pasado 18 de outubro, e que se estenderá ata finais de decembro. Como consecuencia do carácter secuencial da campaña deste ano, a maior parte destas doses foron administradas a persoas de 65 ou máis anos, en concreto 220.622, acadando unha cobertura do 31,79%. O resto das vacinas administradas corresponden a traballadores de centros sanitarios e de residencias da terceira idade.
A cifra de persoal sanitario vacinado é de 22.130, do que 5.789 corresponden a atención primaria e 16.341 a atención hospitalaria. O número de vacinas administradas a embarazadas ata este momento é de 141.
A campaña conta cun investimento de preto de 5,3 millóns de euros que permite adquirir máis de 885.000 doses, que foron distribuídas nos máis de 900 puntos de vacinación despregados por toda Galicia.
Desde o 15 de novembro vacinarase ás persoas de 60 a 64 anos, maiores de 60 con patoloxías de risco, embarazadas, prematuros de ata 2 anos e persoal de servizos esenciais e farmacias. A partir do 29 de novembro continuarase co resto da poboación diana sen vacinar e conviventes con persoas de risco.•
Últimas noticias sobre CORONAVIRUS
Logo de dez días de loito oficial en toda España O venres 5 de xuño á
Do 8 ao 12 de xuño, os cidadáns poderán recoller as mascarillas en sete puntos fixos
O dispositivo funciona con auga ozonizada O Goberno local do Saviñao vén de incorporar un novo
O lote inclúe 5.500 unidades de protección fronte ao coronavirus, para cubrir os servizos básicos nas
O reparto de mascarillas cubrirá o 60% da poboación adulta e o 100% dos nenos e