• Redacción – MONFORTE. Vinigalicia Familia Adegueira, situada en Chantada, vén de lograr dous indicadores Ardán 2021. Este recoñecemento chega por segundo ano consecutivo nas modalidades de Empresa Global e de Empresa Innovadora, concedidos pola Confederación Zona Franca de Vigo.
O primeiro distintivo foille outorgado polos avances en internacionalización acadados por Vinigalicia, que en 2021 xa está presente en 27 países. No que respecta ao indicador de Empresa Innovadora, o grupo adegueiro chantadino atópase en pleno cambio, implantando melloras tanto na xestión comercial como a nivel produtivo, coa tecnoloxía como foco para crecer e ser máis sostibles no futuro.
Só o 5% das empresas galegas consegue alcanzar os criterios establecidos para obter estes distintivos.•
Cargando ...
