• Redacción- MONFORTE. A Xunta de Galicia emitíu un total de 2.260.274 certificados covid. Deles, 2.178.031 foron certificados de vacinación, 51.843 foron certificados de resultado de proba diagnóstica e outros 30.400 certificados de ter superado a enfermidade. Ademais, e tras aprobarse por parte do Goberno de España a venda de autotest nas oficinas de farmacia, a Xunta de Galicia asinou, co obxectivo de evitar unha maior carga asistencial na atención primaria, un acordo cos Colexios Oficiais de Farmacéuticos de Galicia para que as oficinas de farmacia adheridas poidan acreditar a validez dos resultados destas probas e integrar os seus resultados nos rexistros do sistema público de saúde. Até o día de hoxe, as oficinas de farmacia rexistraron os resultados das probas dun total de 53.737 persoas, que permitiron localizar a 607 persoas con resultado positivo. Así mesmo, a Xunta, en colaboración coas áreas sanitarias, estivo a realizar tests de antíxenos de xeito gratuíto nos puntos situados nos diferentes distritos sanitarios. Unha vez que se pecharon estes puntos, o balance final indica que se realizaron tests a un total de 27.816 persoas, o que permitiu detectar 311 casos positivos.•
Últimas noticias sobre SAÚDE
Comunicado íntegro da Plataforma de Defensa da Sanidade Pública A Plataforma en Defensa da Sanidade Pública
García Comesaña lembrou «o inicio da licitación das obras dun novo laboratorio de microbioloxía e unha
O Concello de Bóveda anuncia o Programa de Envellecemento Activo 2024, ofrecendo actividades gratuítas de memoria
Desde a plataforma Chantada Quere Sanidade consideran que «non vale o falso argumento político da Xunta
A Plataforma en Defensa da Sanidade Pública da Zona Sur de Lugo celebrou con éxito a