• R.- MONFORTE. O 29 de novembro, deu comezo en Monforte a campaña de información sobre a reciclaxe de residuos domésticos, dirixida á veciñanza das parroquias e do centro urbano, organizada polas Concellerías de Medio Ambiente e Servizos do Concello. Baixo o lema «Usa os colectores de cores: si ti separas, nós reciclamos», a campaña ten como obxectivo informar aos veciños e comerciantes da cidade sobre as claves para levar a cabo unha axeitada reciclaxe dos residuos que xeran nos seus fogares, segundo explicou o alcalde, José Tomé.
VISITAS INFORMATIVAS ATA O 24 DE DECEMBRO
A campaña, que se prolongará ata o 24 de decembro, terá como novidade que levará a información directamente ó cidadán. Tomé salientou que o Concello vai desenvolver unha campaña informativa «porta por porta», a cargo dunha persoa especializada en medio ambiente que realizará visitas domiciliarias, abarcando o conxunto da cidade, incluíndo o núcleo urbano e as diferentes parroquias do municipio.•
Cargando ...
