Actividades para todos na Programación de Nadal dos Concellos do Sur de Lugo

O Concello de Quiroga, propón para o Nadal un amplo programa con numerosas e variadas actividades lúdicas, deportivas e culturais coa finalidade de ofrecer á veciñanza unha ampla oferta para cubrir o seu tempo de ocio e lecer, sempre atendendo ás recomendacións e limitacións que a evolución da pandemia poida esixir.
Entre todas as actividades aquelas que se organizan para os máis pequenos teñen un apartado destacado: Certames de poesía e concurso de postais de Nadal, pista de xeo e inchables, o curso de cociña MiniChef, a Ludoteca de Nadal e a actividade de animación Cancións de animais para nenos case normais a cargo da Compañía Solitaria do Dr Monifate.
Específico para os máis maiores están as actividades que se desenvolven no Centro Social para a Terceira Idade: un campionato de Tute, Bingos de Nadal e unha cea de Nadal con música en directo.
Os máis deportistas poderán participar no Torneo de Fútbol Sala ou despedir o ano coa xa tradicional carreira – andaina solidaria de San Silvestres que se organiza o día 31.
No programa había tamén teatro, ainda que a representación protagonizada por Emma Ozores e Rubén Torres, “ El último que apague la luz” tivo que ser aprazada; a obra “Borralliña”, a cargo do grupo de teatro Palimoquiño, e o concerto de Manoele da Felisa (contando coa Secretaría Xeral de Política Lingüística)..
Por suposto non faltarán as tradicionais visitas máis agardadas destas datas: a de Papá Noel o día 23 e a dos Reis Magos do día 5 de xaneiro.•

Deixa unha resposta

Your email address will not be published.

Nova Anterior

Exposición fotográfica MIRADAS de Javier Álvarez Carnero en Sober

Seguinte Nova

Rematados os traballos de sinalización na pista de acceso aos miradoiros turísticos de Vilañán

A %d blogueros les gusta esto: